(معرفش ليه)ياريت الكل يدخل يقول رأيه

معرفش لية بقيت ضعيف ومهزوم
وحاسس كدة اني ماليش لازوم
وبقيت بخاف علي طول
مابقتش زي الاول بتكلم واقول

بقيت اكتر وقتي مخنوق
ومن خنقتي مش عارف افوق
وبتالم بس من غير صوت

حاسس كدة اني خلاص بموت
ومعرفش لية في العذاب بدوب
وانا عن نفسي خلاص هتوب

بس مبقتش في يوم اشوف الشروق
ومن كاس المر بشرب وادوق
وبقيت عامل زي العصفور
بس في قفص محبوس

ولية دايما بقيت احس بخطر
احساس ان قلبي كدة انكسر
مبقتش حاسس اني من البشر

حاسس اني بقيت روح بس
مبقتش زي الاول بشوف وبحس
بقيت كل حاجة حزن مافيش فرح
وقلبي مات بعد اول جرح

وبقيت غايب انا في دنيا تانية
دنيا مابتعديش فيها الثانية

دنيا مافيهاش ناس خالص
وبقيت لوحدي خلاص ومش شايف
وعايش من غير احساس وخايف

بقيت عايم في بحر مالوش نهاية
ومش عارف ازاي ارجع للبداية

بقيت غريق مش لاقي حد يلحقة
والوقت بيفوت بسرعة ومش عارف ازاي اسبقة

حياتي بقيت جحيم ودموع ونار
ومابقتش زي الاول بقرر واختار
حاسس كدة ان انا بنهار

ومن العذاب مش هلاقي حد يناجيني
ومن زمان كانت باينة سنيني
وغصب ماعني غاب عني ضميري

مبقاش لي صوت يتكلم بية
ومبقاش يحس باللي انا فية

بقيت من غير لسان واتمنع عني الكلام
و بقيت ندمان اكتر وقتي عايش في اوهام
وبقيت واحد ميت من زمان

مشكوووووووووووووووور أمير