ليلة رومانسية على الطريقة الفلسطينية
صايع و حبيبتة
صايع: ولك يا كردة شكلك ناسية انو مثل هاظ اليوم كبل سنتين كان اول مرة بشوف سحنـتك وبنحب بعض, يعدمني جدوكك(خدودك) شو ناسية؟!
حبيبته: والله جد ولك تفو عليك شو بحبك , بعدك متذكر يا مكلعط؟
صايع : هووووه , هو الي بشوف هالشكل الي بكطع الرزكة بنساه؟
حببتة: هاهاهاهاهاهاهاها يلعن ابوك شو حكياتك حلوين وهاظ الي معلكني فيك , تتذكر اول مرة تلكينا ؟
صايع: هههههههه هو انا بنسى؟ يوم ما حطتلك رجل وانتي ماشية مع امك وكلبتي على بوزك؟
حبيبتة: ولك الله يكطعك شو رومانسي , كيف هيك تجرأت واتخذت هاي الخطوة الجريئة؟ جد انا بحب الشب المبادر والكلبو كوي
صايع: يالله عاد الحين بدك تجبري راسي وتظلج تمدحي فيني؟ انتي كمان بزكتي علي يومها تتذجري؟ والله ما بنسى بزكتك وهي بتتدلى على وجهي وبتنزل شوي شوي , يومها عنجد عرفت انك بتحبيني ...
حبيبتة: آه والله يا كسومتي انا ما بزكت عليك الا لأني بحبك.
صايع: يا كلبي انتي
حبيبتة: ههههههههههه ما بنساه, يلعن عمري ، لو كنت بحبك مرة صرت أحبك ألف مرة بعد هظاك اليوم, يوم ما اكترحت علي انو نتباطح والي ببطح الثاني 3 مرات هو اللي بنام عالارض والفايز بنام عالتخت .
صايع: يالله يومها شو انبسطت , بس صحيت ثاني يوم مكسره عظامي من النومه عالارض ..
حبيبتة: ماهو يا كاسم انا بطحتك 5 مرات ..
صايع: لا والله بس بطحتيني عالارض 4 مرات , آخر وحدة مش محسوبة.
حبيبتة: كيف مش محسوبة بطحتك المرة الخامسة لما دعست على ركبتك، ناسي؟
صايع: هووو هووو علينا ، خلص مو مشكلة يا ستي بطحتيني خمس مرات, هسه ما تظيعي علينا الاحتفال بهاي الليلة الي ما بتتعوض .
حبيبتة: والله معك حق , خلص شو رأيك انا اليوم رح اخليها ليلة رومانسية بشكل.
صايع: شو رح تعملي؟
حبيبته: انت ما عليك بس حظّر الشمع واشعله وسكر الظواو وهسه باجي ..
وما ان اشتعل الشمع الا وخرجت حبيبته من المطبخ حاملة صحن كبييييييير مجدرة, رغرغت عيون صايع وإنغمرت بالدموع فرحاً, حمد ربه ووعد حبيبته بأن يبقى مخلصاً لها
فما كان من حبيبته الا ان طلبت منه بوسه, فلما لفلها خده عضت أذانه فضحك صايع وضحكت حبيبتة وبكيو على الطاولة يأكلون المجدرة لأخر الليل, ويقال انهم الى الان بياكلو بالمجدرة !!!!
مع تحياتي
موضوع: ليلة رومانسية على الطريقة الفلسطنية 
